محبوبہ مفتی کشمیری فوجی افسر کی ہلاکت پر برہم، کہا کیا یہی مسئلہ کشمیر کو حل کرنے کی راہ ہے

وادی کشمیر میں گذشتہ تین ہفتوں کے دوران پیش آنے والی جنگجویانہ کاروائیوں جن میں ایک کشمیری فوجی افسر، بینک کے دو ملازم اور متعدد پولیس اہلکار ازجان ہوئے، کے تناظر میں ریاستی وزیر اعلیٰ محبوبہ مفتی نے لوگوں سے اپنا احتساب کرنے کی تاکید کی اور سوالیہ انداز میں کہا کہ کیا یہی مسئلہ کشمیر کو حل کرنے کی راہ ہے۔محترمہ مفتی نے بدھ کے روز یہاں ایک تقریب کے حاشئے پر نامہ



نگاروں سے بات کرتے ہوئے کہا یہ افسوسناک بات ہے کہ جو لوگ مسئلہ کشمیر کو حل کرنے کی باتیں کرتے ہیں، وہی لوگ کشمیریوں بالخصوص لیفٹیننٹ عمر فیاض پرے (کشمیری فوجی افسر) جیسے لوگوں جو اپنی زندگیوں میں کامیابی حاصل کرنے کے لئے سخت محنت کرتے ہیں، کو مارتے ہیں۔انہوں نے کہا کہ لیفٹیننٹ عمر فیاض کم عمری میں ہی فوجی افسر بن گئے تھے، لیکن انہیں چند سکینڈوں کے اندر ہی بے رحمی کے ساتھ قتل کیا گیا۔